教典鬥搜揣

教典鬥搜揣是教育部《臺灣台語常用詞辭典》ê 搜揣輔助擴充套件，直接佇辭典原本 ê 搜揣框提供即時搜揣建議。 準講你對台羅、台語抑是方音符號無熟似，嘛會當直接用一般注音，照類似 ê 發音來揣台語詞目。 主要功能： • 支援教育部台羅佮數字調 • 支援白話字（POJ） • 支援一般注音搜揣 • 支援方音符號 • 支援詞頭搜揣 • 支援漢字「台／臺」異體比對 • 自動忽略大本字、細本字、聲調佮連字符 ê 差別 • 支援縮寫、前綴佮拼字容錯搜揣 • 相容辭典原本 ê 正規表達式查詢方式 • 點建議詞就會當直接去辭典 ê 詞目頁面 • 所有搜揣攏佇本機處理，袂收集嘛袂傳送你搜揣 ê 內容 • 毋免任何 Chrome 權限 • 隨機一个詞 • 隨機一个俗語 使用方式： 1. 去教育部《臺灣台語常用詞辭典》 2. 佇原本 ê 搜揣框拍漢字、台羅、白話字、注音抑是方音符號 4. 對建議選單內底揀欲查 ê 詞目 注音搜揣範例： • 拍「ㄉㄧㄥㄉㄠ」，會當揣著「𠕇篤 tīng-tauh」。 正規表達式範例： • 拍「^tshiau」，會當搜揣以 tshiau 做頭 ê 詞目。 這个擴充套件是非官方 ê 第三方工具，佮教育部無隸屬、合作抑是背書關係。 詞目資料來源：教育部《臺灣台語常用詞辭典》 • https://sutian.moe.edu.tw/ 辭典文字資料照「創用 CC 姓名標示－禁止改作 3.0 台灣」授權條款使用： • https://creativecommons.org/licenses/by-nd/3.0/tw/ 問題回報 • 寄批去 info@taigikeyboard.tw 予我 來遮贊助 • https://p.ecpay.com.tw/AA663DE